Hindi Poem: Ahista chal zindagi

Ahista chal zindagi………..

Ahista chal zindagi, abhi
kai karz chukane baki
hain.

Kuchh dard mitana baaki
hain, kuchh farz
nibhana baki hain.

Raftaar mein tere chalne
se kuchh rooth gaye,
kuchh chhut gaye.

Roothon ko manana
baaki hai, Roton ko
hasana baki hai.

Kuch hasraten abhi adhuri hain,
kuchh kaam bhi aur zaruri hain.
Khwahishen jo ghut gayi
is dil mein unko dafnana baki hai.

Kuch rishte ban kar toot
gaye, kuchh judte-judte
chhut gaye.
Un tootte-chhutte
rishton ke zakhmon ko
mitana baki hai.

Tu Aage chal main Aati hun,
kya chhor tujhe,  jee paungi?
In saanso par haq hai
jinka,
Unko samjhana
baaki hai.

Ahista chal zindagi abhi
kai karz chukane baaki hain.